|
So si adava POBUTER NA
POBUTER NA si dizutni akcia so si kerdi
tar-e pobuter tar-o šel dizutnengere khedipa so kerena buti k-i Makedonia.
POBUTER NA si akale manušengoro vazdime krlo ki akaja situacia so si uzal amende
pobuter berša. Ola nane nacionalnikano karakteri thaj pala olate na terdola
dajekh politikani partia. O dizutnikano koncepti dživdipaske sa e bućenca so
kamla pe te kera thaj e obligacie so anela pesa si amaro intereso. Amari
strategia si socio-ekonomikano khedipaskoro bajrovipa, bizo te lel than e
themakoro šerutnipa. Amen kerdam akaja akcia. Adava sine sa amen šaj te kera,
paćavindo so sakova dizutno kamla pe te kerel sa so šaj te kerel baš-i khedin
kolate dživdinela te šaj te ovel pošukar. Adaleske, te si tuke upral o šero
akalestar, startuin adalea so ka čhive nukta. Akaja idea cidinda tar-o jekh
pučipa so pučlam amen kana iklili i maripaskiri kriza an-i Makedonia, dikhindo
kaj e dizutne si bizi zor. O pučipa "So majbut daravkerela amen akala divesa"
pučlam sa e dizutnen k-i Makedonia k-e bilovengere telefonikane linie k-i
makedonikani thaj albanikani čhib te šaj te šuna e dizutnengoro krlo.Olengere
vakeripa na sine numaj baš-i maripaskiri kriza, numaj sine thaj baš-i
politikani, ekonomikani, socialnikani situacia, so mudarela e manušeskiri
egzistencia. E dizutne jekha jekh thaj e Makedoncia, thaj e Albancoja, thaj e
Roma, thaj e Turkoja, thaj e Srbinia, thaj e Vlasia...darana tar-e jekh buća.
Adava sikavda amenge e dizutnengoro šajdipa thaj denda amen idea te beša jekhe
thaneste thaj te kera diskusie baš-e problemia so isi amen thaj kobor isi amen
zoralipe te ana dajekh solucia. K-o arakhipe e manušengoro tar-e paše šel
dizutnengere khedipa an-o Ohrid vakerde amenge panda vakeripa ko pučipa SO
DARAVKERELA MAN, numaj šundam thaj averaver idée, propozicie thaj iniciative,
kola so dende amenge idea pale te kera dajekh buti sar jekh.Cidindam tar-o
paćavipa so bute dizutnenge , bizo te dikhel tari savi nacionalnost si, si lenge
upral o šero. Adaleske andam solucia sa adala buća savenge mangaja te phrava
amaro krlo te ikala olen sar simboli thaj te sikava olen anglo e manuša te šaj
te džanen amare pharipaske. Arakhlam nacionalnikano neutralnikano simboli,
adaleske so majbaro ko sa akava si o dizutno. Adava kamla sine pe te ovel lokho
pendžardo, lokho aplikativnikano simboli kova so ka ingarel o aberi e manušenge
kola so ka vakeren pobuter na. Olengoro vazdipe krlo te čhivel pe agor thaj te
ovel nevo starti šaj sine te dikha sekote uzal amende. Maškar o agor thaj o
starti amen arakhlam amari nukta. Palo adava dendam POBUTER NA, sar eho adale
krleske. Adava si amari resarin. Te šunel pe amaro krlo. Kote so akava sa ka
ingarel amen na džanaja, numaj džanaja kaj sar manuša kamla pe te del pe amenge
pošukar, adaleske so džanaja te dživdina pošukar thaj te da pošukar. Adaleske
cide adalesa so ka čhive nukta, thaj ka phene: pobuter na. |
